Katika maisha ya kila siku, mazingira
na matukio yanayojitokeza katika jamii ni mwanya wa kufanya jambo kubwa sana, ni
fursa kwako. Ili Kuishi kwa malengo na hatimae kuishi ndoto ni lazima kujifunza
kutafsiri kila hali na kugeuza matatitizo yaliyopo kuwa fursa zenye tija kwako na
jamii inayokuzunguka. Wakati wengine wakihangaika kutafuta biashara inayolipa wewe
unajitaabisha kutafuta tatizo ili ulifumbue! watu huhitaji majawabu ya kile
kinacho wasumbua kila siku, Hutawatafuta watumiaji bali utatafutwa kwa kile
ulicho kifanya.
Hii ni muhimu kwa sababu ukiwa
huna sehemu uliyojishikiza, utapelekwa na upepo kokote uendako, maana yake
lazima uamue kuwa na shughuli unayoifanya hata kama unaiona ndogo, mimi nakuambia hiyo ni kubwa ukiifanya kwa
hekima, kwa kujituma na ukiithamini kwa namna zote itafungua milango ya
shughuli zingine nzuri zaidi.
Mambo
ya kuzingitia katika kuchagua kipi ufanye, Ukizingatia hali halisi ya uhitaji
wa mazingira uliyopo.
1.
Anza
kuchunguza soko kabla ya kitu chochote kile, Hili litakuwezesha
kujua ni kipi ukifanya kitakulipa, Na pia huweza hata kukufahamisha kuwa hata
wazo ulilokuwa nalo (unaliamini) sasa soko lake si zuri hivyo unahirisha
kuzalisha/ kufanya shughuli hiyo kwasababu inaweza kuingizia hasara kama
utalazimisha kufanya. Huu ndio uzuri wa kuanzia kwenye soko badala ya kuzalisha
kwanza halafu unatafuta soko. Kwa mfano ukiamua kufuga kuku chunguza kwa makini
soko likoje sasa na mwelekeo wake siku za usoni upoje kabla ya kuamua kwamba sasa nafuga kuku wa kienyeji
au chotara au wa mayai/nyama.
2. Ukitoka
sokoni, amua nini sasa ufanye kama
biashara yako au shughuli yenye tija. Mategemeo yatakuwa sasa umeweza kujua
nini kinahitajika sokoni na uhitaji huo ni wa mda gani mpaka uishe. Chagua
shughuli itakayo kuingizia faida zaidi, weka ubunifu ili iwe bora kuvutia soko
(watumiaji)
3. Soko linahitaji kiasi gani, hapa
unahitsaji kujua ni kiasi gani uweze kuzalisha au shughuli yako iwe kwa kiasi
gani ili kukidhi mahitaji yaliyopo kwa sasa na siku za usoni
4. Weka mpango mkakati namna utakavyo fanikisha
shughuli hiyo mfano ukiamua kufuga kuku wa kienyeji inabidii
ujue mahitaji muhimu ya kuku wa kienyeji na taratibu zake ili usingie hasara;
namna ya kuwalisha, sehemu bora ya kuwafugia, kuwakinga na magonjwa kwa wakati,
usimamizi mzuri nk
5. Fanya shughuli hiyo kwa kumaanisha na
kujituma (Fanya kwa biddi) Shughuli yoyote iliyo halali hulipa kulingana
na mrejesho wake wa faida ulivyo (ukubwa kwa shughuli). Sehemu kubwa ambayo
wengi tunaharibu ni kwamba tunafanya kama tunamfanyia mtu mwingine hata kama kitu
ni chetu wenyewe. Ebu wewe leo ifanye shughuli yako kwa bidii na
kumaanisha katika usimamizi na
uwezeshaji itakulipa sana hutaamini, maana yake uwezo wa kusimamia ulionao ni
kitu muhimu kuzingatia katika shughuli uliyoichagua kama unataka kuifanikisha
vizuri.
6.
Ifanye
ijulikane na maeneo uliyolenga kama soko lako hii itasadia
kuweza kuvuta makini ya wahitaji wa bidhaa unazo zalisha kama hukuingia mkataba
na soko husika wakati wa kuzalisha. Pia kupitia watu wa karibu yako katika
maeneo mbalimbali sambaza ujumbe wa bidhaa hizo ili kuwaanda kisaikolojia juu
ya ujio wako.
7.
Anza
kusambaza mazao ya shughuli uliyo kuwa ukifanya kaika masoko husika. unaweza
kusambaza kwa order au mwenyewe kuwa unampelekea mtumiaji moja kwa moja
(unasambaza). Inategemea shughuli yako inalinganaje na inahitaji soko kiasi
gani.
UHITAJI WETU NI SULUHU YA MATATIZO YANAYOTUKUMBA,
KUWA SEHEMU YA WATATUZI KWA MAFANIKIO YAKO NA JAMMI NZIMA.
Great
ReplyDelete